Er fluttur en einu sinni. Að þessu sinni til útlanda, nýja slóðin er www.gestur.blogspot.com.

<META HTTP-EQUIV="Refresh" CONTENT="0; URL=http://www.gestur.blogspot.com"> 

Jæja, það er nú orðið svoldið síðan maður bloggaði síðast og er of margt búið að gerast síðan það var til þess að ég nenni að fara út í það í smáatriðum. Hér eru svona helstu atriðin:

• Skellti mér á ættarmót fyrstu helgina í júli, reyndar ekki langt að fara, bara hérna rétt fram í sveit. Mikið gaman, mikið fjör og allt það sem fylgir svona samkomu.
• Skellti mér á Langanesið um síðustu helgi með Sigurgeir á jeppaskrímslinu hans. Fórum út að Skálum en slepptum því að fara út í Font sökum þess hversu slæmur vegurinn þangað var. Skelli jafnvel inn myndum þaðan og frá ættarmótinu ef ég verð í góðu skapi og internetsambandi.
• Fór svo í Skagafjörðinn nú um helgina og var bara að koma þaðan í dag. Það var svosem ekkert um að vera þannig að maður hafði það bara rólegt.

En að öðru, sá og heyrði í vikunni í ritstjóra DV tala í Kastljósinu og þar viðurkenndi hann að það væri í lagi að setja fram efni sem gæti valdið fólki óþægindum og uppnámi svo lengi sem það þjónaði sögunni. Þegar ég heyrði þetta fór ég að hugsa hvernig í ósköpunum fullorðinn maður sem er í svona starfi hefur jafn lélegt, mér liggur við að segja skítlegt siðferðismat. Mér fannst nú Eiríkur Jónsson slæmur um daginn þegar hann var að verja störf Hér og Nú en þetta fór alveg yfir strikið. Þannig að gott fólk, oft var þörf en nú er nauðsyn, hættum að kaupa DV og Hér og Nú svo þessir plebbar hætti þessu skítkasti sem þeir stunda. Niður með DV og Hér og Nú og notum pappírinn í eitthvað gagnlegra, eins og t.d. framleiðslu klósettpappírs. Þá er ég búinn að hella nóg úr skálum reiði minnar í þetta skiptið og er að hugsa um að segja þetta gott. Vonandi að það líði ekki jafn langur tími þar til næst.

Yfir og út.

Heyrðu, það var bara brjálað partí heima hjá Dóru í gærkvöldi og einhvernveginn þá gleymdi ég að minnast á það í síðustu færslu. Það var gaman að hitta alla vitleysingjana aftur og rugla eitthvað með þeim. Það var alveg ágætis mæting og mikið djammað og djúsað. Allavega þá tók ég einhvern slatta af myndum þarna og geta þeir sem vilja skoðað þær á myndasíðunni minni sem er í tenglalistanum hérna til hliðar.

Meira var það ekki í bili, vona að menn njóti vikunnar sem framundan er,

Yfir og út.

Úff, hvað tíminn líður hratt núna, bara kominn 24. júní og daginn tekinn að stytta aftur. Sit hérna á föstudagskvöldi þreyttur eftir langan vinnudag, einir 10 tímar í dag. Er búinn að vera skröltandi á sláttutraktor núna undanfarna þrjá daga að slá gras. Og talandi um gras, þvílíkir grasasnar sem sumt fólk getur verið. Þetta segi ég af því að umsjónarmaðurinn þarna á Illugastöðum bað fólk sem kom síðasta föstudag vinsamlegast um að keyra ekki á grasinu þar sem það væru komin hjólför í þetta. Svo tók hann eftir einum bíl sem stóð úti á grasinu við eitt húsið og hann fór að tala við þann sem átti bílinn og hann sagðist hafa gert þetta af því að allir hinir gerðu það sem er bara lélegasta afsökun sem til er. Því var gripið til þess ráðs að planta trjám til að loka þeim leiðum sem fólk notaði til að keyra inn á grasið. Svo var það þannig að það var bannað að keyra að húsunum nema rétt þegar fólk kemur og fer. Þannig að leiðin að húsunum er lokað með keðju og hengilás og fólk verður að leggja við bílaplan sem er rétt hjá húsunum.

Einn greip til þess ráðs að keyra bara upp á og svona 1 og ½ meters háann kant sem var við bílastæðið og fór þannig framhjá hliðinu. Þetta átti einnig sinn þátt í því að þessum blessuðu trjám var plantað. En fólk er fífl eins og einhver sagði því einn daginn kom þarna gaur á stórum jeppa og keyrði bara upp á kantinn og yfir trén takk fyrir. Þegar hann var spurður hvers vegna hann gerði þetta þá sagðist hann hafa séð slóð þarna upp sem var eftir fyrrnefnda manneskju sem keyrði upp á kantinn, semsagt annar asni með aðra lélega afsökun. Svo er það þannig að þegar búið er að koma þessu inn í hausinn á fólki þá fer það og annar hópur kemur í staðinn þannig að kennslan byrjar upp á nýtt.

En að öðrum hlutum, ég var að fá í hendur nýjustu Coldplay plötuna og verð ég að segja að sú hljómsveit verður bara betri og betri sem á líður. Gömlu plöturnar þeirra náttúrulega alveg frábærar og þess alls ekki síðri. Enda er það kannski ekki furða að þessi hljómsveit er ein af mínum uppáhaldshljómsveitum og mæli ég hiklaus með þessari plötum fyrir þá sem hafa gaman að tónlist eins og Coldplay spilar. Jæja, segi þetta gott í bili, skrifa kannski eitthvað meira þessa helgina ef ég lendi í einhverju sem er þess vert að geta þess hér. Yfir og út.

Maður fékk þriggja daga helgi í þetta skiptið sökum þess að 17. júní var á föstudaginn. Þá var skundað á Akureyri til að kíkja á stemminguna en veðrið hefði alveg mátt vera aðeins betra. Svo var útskriftarveisla heima hjá Andreu í gærkvöldi þar sem hún var að útskrifast úr MA þann 17. og ég sjálfur víst orðinn tveggja ára stúdent, ja hvað tíminn líður. En ég afrekaði það í gær að fara í bakinu. Ég var að slá garðinn og beygði mig til að losa pokann á vélinni og þá kom þessi líka rosa stingur í bakið á mér og ég hef verið að drepast í bakinu síðan þetta gerðist. Gat varla sofnað í nótt út af þessu helvíti. Vonandi er þetta ekki byrjunin á einhverju verra, vill helst losna við það að lenda í einhverju krónísku bakveseni núna og helst bara fyrir lífstíð. En svo er það bara vinnan í fyrramálið og því fylgir að maður er varla að nenna að hafa sig af stað eins og vill oft verða þegar svona frí eru lengri en venjulega.

Segi þetta gott í bili, svoldið stutt í þetta skiptið en það verður að hafa það

yfir og út.

Jæja, þá er en ein vikan að klárast og mér líst ekkert á það hversu hratt tíminn líður. 17. júní næsta föstudag og því að verða kominn mánuður síðan ég byrjaði að vinna. Talandi um vinnuna, ég er búinn að vinna 51 klst í þessari viku og þar af 12 tíma í gær. Við vorum að hætta klukkan 10 í gærkvöldi og sökum þess hve þurrt var í veðri þá var maður orðinn löðrandi í mold og ryki. Það var því þreyttur og haugdrullugur maður sem kom hingað heim klukkan að verða 11 í gærkvöldi. Þegar ég stóð í sturtunni og horfði á vatnið sem rann af mér þá var það ekki fögur sjón, drullubrúnt vatn er það sjaldnast. Ákvað svo að skipta á rúminu mínu en það er eitt það þægilegasta sem ég veit um, að vera nýkominn úr sturtu og sofna í rúmi með hreinum rúmfötum. Enda svaf ég eins og steinn í nótt.

 

Það var kominn þónokkur hópur af liði í eitt húsið á Illugastöðum sem var greinilega kominn þangað til að skemmta sér. Ætli meðalaldurinn þar hafi ekki verið eitthvað í kringum 20 ár og var liðið búið að stúta einum bjórkassa klukkan 9 í gærkvöldi og annar var á leiðinni í hús. Get giskað á það hvert framhaldið var. Var bara feginn að það var ekki pottur í húsinu, hefði örugglega ekki verið gaman að þrífa hann. En annars er voða lítið að frétta hjá manni, maður vinnur alla vikuna og kemur svo heim um helgar til þess að sofa eða þar um bil. Þess vegna ætla ég bara að enda þetta núna.

Yfir og út

Loksins, loksins komu niðurstöður úr prófunum núna í vikunni og mér til mikillar ánægju náði ég öllu þannig að ég slapp í gegnum þennan vetur falllaust. En svona að gamni þá voru niðurstöðurnar eftirfarandi:

 

Íslands – og Norðurlandasaga IV => 6     Ekki alveg nógu sáttur með þessa einkunn þar sem mér fannst ég ekkert vera að standa mig illa  á prófinu en hey, ég náði þó.

 

Aðferðir II => 7,5     Aldrei hefur nokkur einkunn vakið hjá mér jafnmikla furðu. Ég man þegar ég lág upp í rúmi að reyna að lesa eitthvað fyrir þetta próf og þjáðist af bullandi prófstressi og hélt ég væri drullufallinn í þessum andsk… Þannig að það var ekkert nema gleði þegar þessi einkun lág fyrir.

 

Þorskastríðin => 8     Var aldrei í vafa um það að ég mundi ná þessu, þetta fag byggðist upp af tveimur ritgerðum, annarri 30% og hinni 40% og svo var 30% próf þannig að þetta var ekkert mál. Svo má geta þess að minni ritgerðin sem ég gerðí í þessu fagi mun ásamt ritgerðum hinna sem sátu þetta námskeið mynda fræðsluefni um sögu landhelgisbaráttu Íslendinga á heimasíðu Landhelgisgæslunnar. Hversu frábært er það?

Annars er nú voðalítið að frétta nema það að mér tókst næstum því að sálga eins og einni þrastarfjölskyldu í vikunni. Var að klippa runna með stórum bensín-hekkklippum og var ekki langt frá því að tæta eins og eitt stykki þrastarhreiður sem var í þessum runnum. Síðan komst ég að því í dag að litlu systur hennar Írisar er svoldið laus höndinn, skrapp þangað í heimsókn í dag og hún gerði lítið annað en að slá mig og henda í mig dóti. Þess má geta að hún er ekki nema tveggja ára eða þar um bil þannig að vonandi mun þetta eldast af henni.

Jæja, ekki meira í bili

Yfir og út

Jæja, þá er maður kominn heim eftir viku númer 2 í þessari vinnu. Ég verð bara að segja það að maður hefur sjaldan komist í betri vinnu á ævinni, þó að þetta sé stundum heilmikið púl, langur vinnudagur og maður er stundum að lognast útaf klukkan 10 á kvöldin (venjulega ég næstum aldrei að sofa fyrir miðnætti) þá er þetta fjölbreytt starf og yfirmaður mjög fínn maður þannig að það er ekki undan því að kvarta. Allavega skárra heldur en beyglurnar sem stjórnuðu hótelinu á Laugum þegar ég vann þar, þær gátu ekki einu sinni ráðið nógu marga starfsmenn til þess sinna hótelinu og því voru allir í bullandi yfirvinnu. En hey, hver er að hugsa um það, það var fyrir löngu síðan. En annars var þessi vika svoldið frábrugðin þeirri síðustu að því leyti að nú var maður að drepast úr hita frekar en kulda eins og var í síðustu viku og maður er meira að segja farinn að fá smá lit í andlitið. Svoldið annað heldur en var í kísiliðjunni þar sem maður kom varla út úr húsi allt sumarið og var jafn fölur og berklasjúklingur á lokastigi þegar komið var fram á haustið, svo fölur var maður.

En að öðru, um síðustu helgi var Eurovision eins og flestir vita, maður er kannski svoldið seinn með allt tal um það en þar sem ég kemst ekki á netið á virkum dögum þá verð ég bara að láta það fjúka núna (betra seint en aldrei). Þar var Gísli Marteinn nokkur að lýsa, hundfúll yfir því að við værum ekki með. Þegar stigagjöfin var í gangi óskaði ég mér þess helst að ég væri kominn í herbergið sem hann var að lýsa úr svo ég gæti kyrkt manninn með míkrafónssnúrunni því hann var alveg ótrúlega pirrandi, meira pirrandi en í keppninni sjálfri. Þegar verið var að tilkynnastigin þá var hann alveg á fullu að tilkynna:

Einhver gaur í öðru landi: Israel 4 points

Gísli Marteinn: Ísrael 4 stig

Og að gera þetta í hvert einasta skipti sem stig var gefið var að gera mig vitlausan. En nóg um Eurovison og meira um Gísla Martein. Ég heyrði það í fréttum í vikunni að nokkrir væru farnir að bítast um forystu í Sjálfstæðisflokknum og var Gísli Marteinn þar á meðal. Nú skulum við ímynda okkur mjög ógnvekjandi möguleika, Gísli Marteinn myndi leiða lista sjálfstæðismanna í borgarstjórnarkosningum á næsta ári, sjálfstæðisflokkurinn vinnur kosningarnar, Gísli Marteinn yrði borgarstjóri. Ég meina, hversu slæmt yrði það ef þetta gerðist? Það myndi bara styrkja mann í þeirri skoðun að vilja aldrei nokkurn tíma eiga lögheimili í Reykjavík. Eitt gott myndi þó af þessu leiða, Gísli Marteinn myndi ekki lýsa Eurovison á meðan og ekki vera að stjórna einhverjum leiðinlegum sjónvarpsþáttum. Þannig að það eru góðir fletir á flestum málum.

Jæja, held ég segi þetta gott í bili, orðin einhver langloka hjá manni í þetta skiptið. Held samt að það verði venja hjá manni í sumar að blogga bara um helgar, verður það ekki fínt, fá bara helgarblogg með skýrslu um vikuna. Jæja, við sjáum til hvernig það fer. Segi þetta gott í bili

Yfir og út

P.s. Ef það fór framhjá einhverjum sem las þessa færslu og þá síðustu þá þoli ég ekki Gísla Martein.

P.p.s. Ætla rétt að vona að þetta góða veður sem komið er núna endist eitthvað annars fer ég í mál við einhvern.

P.p.p.s. Af hverju er þessi helv… visir.is borði kominn hérna efst á síðuna. Ætla rétt að vona að helv… 365 hálfvitarnir séu ekki búnir að kaupa blog.central. Já, þetta eru hálfvitar, bera ábyrgð á því að DV kemur reglulega út með sína lygaþvælu og mannorðsmorð.

Jæja, þá er fyrsta vinnuvikan búin. Var reyndar í styttri kantinum þökk sé öðrum í hvítasunnu. Hins vegar lítur út fyrir að maður sé búinn að ná sér í ágætis vinnu þarna. Fínt að vera út svona til tilbreytingar frá því að hafa hangið inni undanfarin þrjú sumur. Reyndar hefði það mátt vera svoldið hlýrra þar sem hitinn skreið varla yfir 5 stig þessa vikunna auk þess sem að það fór að snjóa í gær hversu gaman sem það er. En hey, þetta er bara þetta árlega vorhret þannig að maður er ekkert að æsa sig hérna. Þetta kemur bara allt í júní. En já, nú er Eurovision í sjónvarpinu í kvöld og við Íslendingar erum ekki með búhú. Hvað er málið samt, ónei við komust ekki í úrslit og það fer allt á annan endan, heilu og hálfu fréttatímarnir fara í umfjöllun um þetta og maður er að heyra um fólk sem fór að gráta þegar úrslitin lágu fyrir. Get a f**king grip gott fólk , þetta lag var ekki einu sinni það gott, reyndar er eitthvað minna af góðum lögum í þessari keppni og ég nennti því varla að horfa á undankeppnina, það var svo mikið af drasli þar. En ég get svo svarið það að ég hélt að Gísli Marteinn færi að gráta þegar við komust ekki áfram, það var gráttklökkur tónninn í honum þegar hann sagði “ég trúi þessu ekki” þegar síðasta lagið sem komst áfram var tilkynnt. Gísli Marteinn er líka óttalegur sauður, skil ekki að fólk haldi svona voðalega mikið uppá hann. Annars verður maður eitthvað lítið í internetsambandi í sumar, verður helst um helgar sem maður lítur hérna við. Maður er reyndar ótrúlega fljótur að venjast internetskortinum þanning að þetta verður ekki vandamál af minni hálfu.

 

Jæja, held ég segi þetta gott í bili, ætla að fara út í garð að gera snjóengla á engu nema nærbrókinni

Yfir og út.

Jæja, þá er maður loksins kominn heim í sveitinna og líkar það bara vel. Flaug á krókinn eldsnemma á föstudagsmorgunn og lenti þar í miklum hristingi í lendingu. Síðan var maður bara í rólegheitum á króknum þar til í morgun að brunað var af stað og farið í fermingu hjá frænda mínum, systursyni hennar mömmu. Síðan komum við hingað heim um kvöldmatarleytið nú í kvöld. Þegar ég kom heim ákvað ég að ráðast á skápinn í svefnherberginu mínu og laga svoldið til í honum, eitthvað sem hefur setið á hakanum í fjölda ára. Varð þetta að því sem upp á enskuna er kallað “walk down memory lane.” Fann þarna fullt af dóti frá því maður var í grunnskóla og vakti það upp minningar frá þeim árum, bæði góðar og slæmar. Þarna voru meðal annars fullt af jólakortum, einkunnaspjöld ásamt fleiru. Þarna upplifði ég það að þegar svona tiltekt fer í gang þá fer bróðurparturinn í það að skoða dótið sem maður tekur fram og rifja upp minningarnar og minnihlutinn af tímanum fer í það að taka til. Svo er það bara vinnan sem hefst á þriðjudaginn. Jæja, held ég segi þetta gott í bili, verð að fara að hreinsa dótið af rúminu mínu svo ég geti farið af sofa.

Sumarkveðjur úr sveitinni

P.s. Hvernig væri nú að einhverjir aðrir en Anna Júlía færu nú að skrifa í gestabókina á þessari síðu. Gengur ekki að láta hana einoka þetta svona, þarf bara að fara að kalla þetta Önnubók

Ég er búinn í prófum, ég er búinn í prófum, ég er búinn í prófum... hmmm ætli þetta sé ekki gott í bili. En þetta er samt staðreynd sem er svona að síast inn hjá manni þessa stundina, prófin eru loksins búinn og maður er kominn í "sumarfrí." Já, sumarfrí innan gæsalappa því maður byrjar víst að vinna í næstu viku en hey, það er þó ekki heimavinna í vinnunni. En já, nú tekur við mikil vinna við það að laga til eftir sig, íbúðin orðin eins og ruslahaugur eftir þennan prófalærdóm minn þar sem ég hef hent bókunum út í horn um leið og hvert fag hefur klárast. Síðan verður gamna að sjá hvort maður þurfi að taka svo mikið drasl með sér norður að maður fari í yfirvigt í flugvélinni, tja maður spyr sig. En þið sem eruð ekki enþá búin í prófu þá segi ég bara gott gengi.

Held ég segi þetta gott í bili, tiltektin bíður eftir manni. Næsta blog verður örugglega skrifað þegar ég verð kominn norður.

Yfir og út...

Húrra, þvílík gleði. Loksins er þetta helvíti frá. Var að koma úr prófi númer tvö í þessari próftíð og tókst að koma einhverju bulli frá mér. Spurning hversu góða einkunn maður á eftir að fá en það er önnur saga. Síðan er það síðasta prófið á miðvikudaginn og það er bara 30 % próf þannig að mesta pressan er farinn af manni. En að öðrum málum. Ég ákvað í gærkvöldi að athuga punktastöðuna á kreditkortinu mínu. Þar sem að ég er með svarta kortið þá er það tengt við vildarklúbb flugleiða þannig að maður safna punktum þegar maður er að versla hér og þar. Ég gáði fyrr í vetur og sá að ég átti einhver slatta af punktum en svo í gærkvöldi tékkaði ég og hvað sá ég?! Rúmlega 9600 punktar og það þarf 9000 punkta til þess að fljúga aðra leið á Sauðárkrók. Þannig að ég er að fara að fljúga frítt norður næsta föstudag, reyndar föstudaginn 13. en maður gefur bara skít í svoleiðis rugl. Alltaf gaman að spara nokkra þúsundkalla, hver segir svo að kreditkort borgi sig ekki . Held að meginhlutinn af þessum punktum sé tilkominn af því hvað ég versla mikið í Nóatúni. En talandi um Nóatún, þeir eiga nú skilið verðlaun fyrir besta auglýsingatexta ársins. Heyrði í gærkvöldi að þeir voru að auglýsa grillspjót, semsagt kjöt sem þrætt er upp á pinna eða spjót eins og þeir kjósa að kalla það. Og þeir héldu áfram, við erum með lambaspjót, nauta spjót og krakkaspjót, KRAKKASPJÓT. Bíddu nú aðeins við, getur þetta ekki valdið smá ruglingi. Var að spá í að grínast aðeins í kjötborðsliðinu út af þessu í gærkvöldi en ákvað að sleppa því þar sem mér var bent á að þau væru örugglega búin að heyra þetta svona milljón sinnum þann daginn.

Jæja, ég ætla að reyna að læra eitthvað fyrir þetta seinasta próf,
Yfir og út.

Hérna situr maður nývaknaður á sunnudagsmorgni og er stefnan að reyna að lesa í allan dag, eins skemmtilega og það kann að hljóma, fyrir eitt leiðinlegasta fag sem ég hef setið í í Háskólanum. Jæja, þýðir ekki að tala um, ef þetta gengur upp þá þarf maður ekki að hugsa um það meira. Langar helst að sleppa við próf í haust, það er ekki það skemmtilegasta. En já, það er semsagt próf í fyrramálið og svo það síðasta á miðvikudag eða eftir þrjá daga eins og stendur á niðurtalningunni hérna til hliðar sem er allt of, allt of stutt. Ég hef átt erfitt með að einbeitta mér undanfarna daga, svo mikið er ég farinn að hlakka til þess að komast í sumarfrí. En það er próf á miðvikudaginn, pakka niður og Hitchhikers guide to the Galaxy á fimmtudag og svo norður á föstudaginn.

Jæja, segi þetta gott í bili,

may the force be with you

Ha ha ha, þvílík snilld sem ég var að fá í pósti áðan, hversu heimskur þarf maður að vera til að svara þessu?

 

From :	Barrister Joseph Morimai
Reply-To :
Sent :	Wednesday, May 4, 2005 3:25 PM
To :
Subject :	From London!!!!!!

 

MIME-Version: 1.0 X-Sender: Received: from web1.belizeweb.com ([206.27.238.23]) by mc10-f14.hotmail.com with Microsoft SMTPSVC(6.0.3790.211); Fri, 6 May 2005 04:21:28 -0700 X-Message-Info: uX4bQusXWiJEnhFPBbZ21FVhyEq+CO4D2gPmw3kfozU= X-Mailer: Return-Path: jmorimai47@web-mail.com.ar X-OriginalArrivalTime: 06 May 2005 11:21:29.0057 (UTC) FILETIME= [BF8C3510:01C5522D]

 

From : Barrister. Joseph Morimai Kindest Attention, Firstly, not to cause you embarrassment, I am Mr. Joseph Morimai, a Papua New Guinean by Nationality, a Solicitor at law based in the United Kingdom and the personal attorney to Late Mr. Bonnet Roux a National of France, who used to be a private contractor with the Halliburton Company in Saudi Arabia, herein after shall be referred to as my client. On the 21st of April 2001, he and his wife with their three children were involved in an auto crash all occupants of the vehicle unfortunately lost their lives. Since then, I have made several enquiries with his country's embassies to locate any of my clients extended relatives, this has also proved unsuccessful. After these several unsuccessful attempts, I decided to contact you with this business partnership proposal. I have contacted you to assist in repatriating a huge amount of money left behind by my Client before they get confiscated or declared unserviceable by the Bank where this huge deposit was lodged. The deceased had a deposit valued presently at £30,000,000.00(Thirty Million Pounds) and the Bank has issued me a notice to provide his next of kin or Beneficiary by Will otherwise have the account confiscated within the next thirty official working days. Since I have been unsuccessful in locating the relatives for over three years now, I seek your consent to present you as the next of kin / Will Beneficiary to the deceased so that the proceeds of this account valued at £30Million can be paid to you. This will be disbursed or shared in these percentages, 60% to me and 40% to you. I have all necessary legal documents that can be used to Back up any claim and this will be obtained From the Court of England with the Certificate Of Deposit which has been issued to me by the Bank. All I require is your honest Co-operation, Confidentiality and Trust to enable us see this project through. I guarantee you that this will be executed under a legitimate Arrangement that will protect you from any breach of the law. All the relevant documents that will give you the legal backing to claim the fund will be processed. Please acknowledge receipt of this message by e-mail as I am based in the United Kingdom. And please provide me the following below; this is to enable me commence immediate preparation of all legal documents that will back up our claim. 1. Full Name 2. Your Telephone Number and Fax Number 3. Your Contact Address. Your urgent response will be highly anticipated and Appreciated. Best Regards, Barrister. Joseph Morimai. Ekki að maðu hefði neitt á móti því að fá þessar 12 milljónir breskra punda eins og hann er að lofa manni þarna en maður er búinn að heyra of margar sögur um svona internet svind til að falla fyrir þessu. Mig langar svo til þess að fara í svona blekkingarleik við þennan náunga, þykjast vera geðveikt áhugasamur en ljúga hann svo fullann af einhverju kjaftæði en hef bara ekki tíma til þess akkúrat núna. Jæja, aftur að verki

Jæja, þá er fyrsta prófið búið. Þetta gekk alveg þolanlega, held ég ætti alveg að sleppa í gegnum þetta. Ég skrapp aðeins á bókasafnið eftir prófið en ákvað svo að fara heim að leggja mig þar sem ég svaf eitthvað á milli 5 og 6 tíma í nótt. Þess vegna er maður ekki búinn að afreka mikið í dag. Síðan er það bara næsta próf á mánudaginn, það verður eitthvað skrautlegt. Ég hef fjóra daga til að lesa undir það en hins vegar er það þannig að ekki neinn af þessum dögum er hægt að sitja til klukkan 22:00 á bókasafninu. Á morgun er skertur opnunartími útaf uppstigningardegi, síðan koma föstudagur, laugardagur og sunnudagur sem er með mun styttri opnunartíma heldur en virkir dagar. Ekki sniðugt þar sem ég læri mun betur á safninu heldur en hérna heima. Ástandið hérna minnir svoldið á heimavistina í MA, alltaf þegar það kom próftíð þá hófust einhverjar svaka framkvæmdir. Hérna er verið að vinna í íbúð í næsta stigagangi og það heyrist allt í gegn. Svo er verið að skipta um jarðveg eða eitthvað álíka hérna í bakgarðinum á einni af blokkunum hérna við hliðina.

Ég hins vegar hef verið að velta einu fyrir mér í sambandi við appelsín auglýsinguna þar sem slökkviliðsbíllinn kemur og sprautar appelsíni yfir liðið. Þó að þetta væri bara vatn sem væri litað í tölvu eða eitthvað álíka hversu ógeðslegt væri að lenda í því að fá þetta yfir sig. Eins og flestir vita þá er rosalegt magn sykurs í gosi og þeir sem hafa sullað gosi á gólfið og reynt að hreinsa það upp vita að það getur orðið svoldið klístrað. Þessvegna held ég að það sé ekkert voðalega eftirsóknarvert að lenda í svona appelsínbaði.

Jæja, Little Britain að hefjast eftir smástund þannig að ég verð að hlaupa (auðvitað til að horfa á það sauðurinn þinn)

Yfir og út.....